Gvardiol uchun kurashda favorit jamoa nomi ma'lum

Hozirda “Leyptsig” safida to'p surayotgan xorvatiyalik himoyachi Yoshko Gvardiol Londonning “Chelsi” klubining nishonida turibdi. Bu haqda The Times nashri xabar bermoqda.

Manbaning ta'kidlashicha, "ko'klar" 21 yoshli futbolchini qo'lga kiritish uchun eng yuqori imkoniyatga ega. Gvardiol xizmatlariga “Chelsi”dan tashqari yana ikki nafar APL vakili “Manchester Siti” va “Tottenxem” qiziqish bildirmoqda.

Yoshko yaqinda "Leyptsig" bilan 2027 yilning o'rtalariga qadar yangi shartnoma imzoladi. Futbolchining transfer qiymati 75 million evroga baholanmoqda.

Himoyachi joriy mavsum Bundesligada 20 ta o'yinda maydonga tushib, bitta sariq kartochka oldi.