"Atletiko" "Lester" himoyachisi bilan kelishib oldi

"Lester" himoyachisi Chaglar Syoyundjyu uchun transfer bozorida talab katta.

90min nashri ma'lumotlariga ko'ra, 26 yoshli turkiyalik futbolchi uchun kurashda "Atletiko" favorit hisoblanadi. Manbaga ko'ra, "matraschilar" allaqachon Syoyundjyu bilan shartnoma shartlarini kelishib olishgan. Hammasi yozda turkiyalik futbolchining Madridga o'tishiga bog'liq.

Umumiy hisobda Chaglar Syoyundjyu "Lester" safida 127 ta o'yinda maydonga tushdi. Ularda himoyachi uchta gol urdi va sheriklariga ikkita golli uzatma berdi.

Tansfermarkt portali Chaglar Syoyundjyuni 22 million evroga baholamoqda.