"Milan" va "Yuventus" "Latsio" futbolchisiga ko'z tikdi

"Latsio" yarim himoyachisi Sergey Milinkovich-Savich yozgi transfer oynasida klubini o'zgartirishi mumkin.

Calciomercato nashrining xabar berishicha, futbolchining xizmatiga A Seriyaning ikki top-klubi - Turinning "Yuventus" va "Milan" klublari qiziqish bildirmoqda.

Serbiyalik yarim himoyachining rimliklar bilan shartnomasi kelasi yili tugaydi. "Latsio" rahbariyati Sergeyni sotishdan 45 million evroga yaqin daromad olishni kutmoqda. Yarim himoyachida faoliyatini Angliya Premer-ligasida davom ettirish uchun ham bir nechta variant bor.

Joriy mavsumda 28 yoshli Milinkovich-Savich Italiya chempionatining 22 ta uchrashuvida ishtirok etib, 4 ta gol va 8 ta golli uzatmani amalga oshirdi.