"MYu" ikkita shov-shuvli transferga tayyorgarlik ko'rmoqda

"Manchester Yunayted" xo'jayinlari 2022/2023 yilgi mavsum yakunida tarkibni kuchaytirishni rejalashtirmoqda.

Sport.es nashrining tarqatgan ma'lumotga qaraganda, "mankunianliklar" yozda ikkita yuqori darajadagi xaridni rejalashtirgan.

"Barselona" yarim himoyachisi Frenki de Yong "qizil iblislar" nishonida turibdi. Klubning boshqa maqsadi hozircha oshkor etilmadi, lekin katta ehtimol bilan u hujum markazidagi futbolchi bo'ladi. Chunki, oldinroq "Napoli" hujumchisi Viktor Osimxenga qiziqish bildirilgani haqida xabar berilgandi.

O'tgan dam olish kunlari "Manchester Yunayted" uzoq vaqtdan beri birinchi marta kubokni qo'lga kiritdi. Jamoa final uchrashuvida “Nyukasl”ni 2:0 hisobida mag'lub etib, Angliya Liga kubogini qo'lga kiritdi.