«Valensiya»ning ikki etakchisi «Barselona»ga o'tishi mumkin

«Valensiya» ikki futbolchisi faoliyatini «Barselona»da davom ettirishi mumkin. Superdeporte tarqatgan xabarga ko'ra, kataloniyaliklar yarim himoyachi Daniel Parexo va hujumchi Rodrigoga qiziqish bildirishmoqda.

"Barsa" bosh murabbiyi Ernesto Valverde 2012/2013 yilgi mavsumda «Valensiya»dagi faoliyati davomida Parexo bilan birga ishlagan. Mutaxassis maydon markazida Serxio Busketsga zaxira sifatida Danielni "Kamp Nou"da ko'rishni istamoqda.

Parexo yakunlangan mavsumda «Valensiya» safida 56ta o'yinda maydonga tushib, 10ta gol urdi va 9ta golga uzatma berdi. Uning "ko'rshapalaklar" bilan shartnomasi 2022 yilga qadar tuzilgan. Futbolchining tovon puli 50 million evroni tashkil qiladi.

Rodrigo esa ushbu mavsumda jami 51ta o'yinda maydonga tushib, 15ta gol urib, 10ta golga assistentlik qildi. 28 yoshli futbolchining "Valensiya" bilan shartnomasi 2022 yilga qadar tuzilgan. Uning tovon puli 120 million evroga teng.