"Arsenal" va "Nyukasl" braziliyalik futbolchiga ko'z tikmoqda

"Vest Xem" yarim himoyachisi Lukas Paketaga "Arsenal" va "Nyukasl" qiziqish bildirmoqda.

Mish-mishlarga ko'ra, braziliyalik futbolchi o'tgan yozda "Arsenal"ga o'tishi mumkin edi, ammo futbolchi 43 million evro evaziga "Lion"dan "Vest Xem"ga o'tdi. "Kanonirlar" joriy mavsum yakunida 25 yoshli futbolchini qo'lga kiritish uchun kurashishga tayyor, deya xabar beradi Fichajes nashri. Shuningdek, "bolg'achilar"ning hujumkor yarim himoyachisiga "Nyukasl" ham qiziqish bildirmoqda.

Xabarlarga ko'ra, "Vest Xem" Lukas Paketni sotishdan kamida 70 million evro ishlab olishni maqsad qilgan, Transfermarkt portali esa futbolchining narxini 45 million evroga baholamoqda.

Paketa joriy mavsum Premer-ligada 16 o'yinida ikkita gol urdi va ikkita golli uzatmani amalga oshirdi.