"Liverpul" "Inter" yarim himoyachisidan umidini uzmagan

Italiya terma jamoasi va "Inter" yarim himoyachisi Nikolo Barella hamon "Liverpul" qiziqishlari doirasida.

Gazzetta dello Sport nashri xabariga ko'ra, "mersisaydliklar" klubi yarim himoyachini yozda o'z safiga qo'shib olmoqchi.

Manbaning qayd etishicha, yarim himoyachiga “qizillar” bosh murabbiyi Yurgen Klopp shaxsan o'zi qiziqish bildirmoqda. Potentsial kelishuv 80 million evroga baholanmoqda.

Nikolo 2020 yilning sentyabr oyidan beri “neradzurrilar”ning sharafini himoya qilib kelmoqda. Tomonlar o'rtasidagi amaldagi shartnoma 2025/2026 yilgi mavsum oxirida yakuniga etadi.

Joriy mavsumda Barella A Seriyada 22 ta o'yinda maydonga tushib, 5 ta gol va 5 ta golli uzatmaga mualliflik qilgan.