Rodrining "Barselona"ga o'tmasligi aniq bo'ldi

"Manchester Siti" yarim himoyachisi Rodri Ernandes kelasi yozda "Barselona"ga o'tmaydi.

Eslatib o'tamiz, "ko'k-anorranglilar" bosh murabbiyi Xavi Ernandes mavsum oxirida "Kamp Nou"ni erkin agent sifatida tark etishi mumkin bo'lgan Serxio Busketsning o'rniga Rodrini ko'rmoqchi edi.

Mundo Deportivo nashri xabariga ko'ra, Rodrining "Barselona"ga o'tishi mumkinligi haqidagi ma'lumotlar yolg'on bo'lib chiqdi, chunki Kataloniya jamoasi bu kelishuvni moliyaviy tomondan ko'tara olmaydi.

Eslatib o'tamiz, Rodri bungacha Ispaniya chempionatida "Atletiko" va "Vilyarreal" tarkibida o'ynagan edi.