"Real"ning yozda qiladigan birinchi ishi - hujumchi sotib olish bo'ladi

"Real" yozda yangi hujumchi transferini rejalashtirgan.

Jurnalist Mario Kortexananing fikricha, ushbu pozitsiyani mustahkamlash "qirollik klubi" uchun yozgi mavsum oralig'ida ustuvor vazifa bo'ladi.

Oldinroq Madridning “Real” klubi Turindagi kelajagiga hali ham shubha qilayotgan “Yuventus” hujumchisi Dushan Vlaxovichni qo'lga kiritishga qarshi emasligi xabar qilingandi. Yozda "keksa sinora" bir yil avval 82 million evro to'lagan serbiyalik hujumchini qo'yib yuborishi mumkin.

Qayd etilishicha, "Real" hujumning o'ng qanotidagi pozitsiyani ham yopadigan hujumchini sotib olishdan xursand bo'ladi. Aytgancha, “qirollik klubi”ning asosiy hujumchisi Karim Benzemaning shartnomasi shu yilning iyul oyida yakuniga etadi.