Luis Adriano Turkiya chempionatini tark etdi

2009 yilgi UEFA kubogi g'olibi, "Shaxtyor" va Moskvaning "Spartak" klublarining sobiq hujumchisi Luis Adriano Turkiyaning "Antalyaspor" klubini tark etib, Braziliyaning "Internasional" klubiga ko'chib o'tdi.

Bu haqda Transfermarkt portali xabar bermoqda. 35 yoshli forvard yangi klubi bilan shu yil oxirigacha shartnoma imzolagan.

Joriy mavsumda Adriano "Antalyaspor" safida 22 ta rasmiy o'yinda maydonga tushdi va 4 marta gol urdi va ikkita golli uzatmani amalga oshirdi. Adriano Turkiyaga qariyb roppa-rosa bir yil avval Braziliyaning boshqa bir klubi – “Palmeyras”dan ko'chib o'tgandi.