Osimxen "Napoli"ni tark etishi mumkinligiga sha'ma qildi

"Napoli" hujumchisi Viktor Osimxen seshanba kuni yana bir gol urdi. U Chempionlar ligasida "Ayntraxt" bilan o'yinda raqib darvozasini ishg'ol qildi. O'yindan so'ng nigeriyalik futbolchiga o'zining kelajagi haqida savol berildi.

Fichajes nashrining yozishicha, Osimxen ko'plab klublarning, jumladan, "Real"ning qiziqishi uning faoliyatiga ta'sir qilganini va uning kelajagi mavsum oxirida hal qilinishini aytdi.

Shu bilan birga, Osimxen hozir bor e'tiborini "Napoli"da o'ynashga qaratganini ta'kidladi.

2022/2023 yilgi mavsumda Viktor Osimxen "Napoli" safida 24 ta o'yinda maydonga tushdi. Ularda 24 yoshli forvard 20 ta gol urdi va sheriklariga 4 ta golli uzatma berdi.

Transfermarkt portali Viktor Osimxenni 70 million evroga baholamoqda.