«PSJ» va «Barselona» sensatsion almashinuvga tayyorgarlik ko'rishmoqda

"Barselona" va "PSJ" klublari yozgi transfer bozorini larzaga keltirishlari mumkin. Bu ikki jamoa hujumchilar — Usmon Dembele va Neymarni o'zaro almashishlari mumkin. Bu haqda ispaniyalik jurnalist Jerar Romero xabar tarqatdi.

Manbaga ko'ra, jamoalar futbolchi almashish bo'yicha muzokaralarni boshlashdi. Dembele ham, Neymar ham boshqa jamoaga o'tishga qarshi emaslar. Shu bois, bunday almashinuv amalga oshishi ehtimoli yo'q emas. Klublardan biri mazkur transfer doirasida qo'shimcha pul to'laydimi yoki yo'qmi — hozircha bunisi aniq emas.

"Barselona" va "PSJ" klublari ushbu mavsumda milliy chempionat doirasida g'oliblik bilan cheklanishdi.