«Benfika» tarixida eng qimmat sotilgan futbolchilar (top-10)

«Chelsi» nihoyat, o'z maqsadiga erishdi - «Benfika»ning nav­batdagi kashfiyoti - Entso Fernandesni sotib oldi. APLda ishi sira yurishmayotgan jamoa JCh-2022ning eng yaxshi yosh futbolchisi transferiga 121 million evro sarfladi. Shu tariqa «Chelsi» APLning transferlar bo'yicha rekordini yangiladi. Eslatma, bunga qadar 117,5 million evro evaziga «Aston Villa»dan «Manchester Siti»ga o'tgan Jek Grilish ligadagi eng qimmatbaho futbolchi edi. Angliyalik yarim himoyachi reyting yuqorisida atigi 1,5 mavsum ushlanib turgani ham e'tiborga molik fakt. Lekin quyida APL emas, «Benfika» transferlari haqida so'z boradi.

Bilamizki, Portugaliya klublari futbolchilar transferidan pul topishni juda yaxshi o'zlashtirgan. Ayniqsa, «Benfika». Mana, lissabonliklar navbatdagi superdaromadli kelishuvni amalga oshirishdi, ammo bu klub tarixidagi rekord savdo emas. Mana, maqolaga ilova shaklida berilgan tavsirga qarab, barchasini o'zingiz baholang. Entso Fernandes bu ro'yxatda 2-o'rinda!

*** Entso Fernandes «Chelsi»da «Benfika» tomonidan sotilgan eng qimmatbaho futbolchi Joau Felish bilan uchrashadi.

*** «Benfika» 2022 yilning yozida Entsoning transferiga 44,2 million evro sarf­lagandi. Shu tariqa argentinalik himoyachi Lissabon klubi tarixidagi eng qimmatbaho futbolchiga aylandi. Bu boradagi ro'yxatning 2-qatorida turgan Darvin Nunes uchun 2020 yili 34 million evro to'langan edi.

*** «Benfika» 2022/2023 yillar mavsumida transferlar ortidan jami 261 million evro topdi. Bu oraliqdagi xarajat miqdori ikki hissadan ham past - 114 million evro.

*** «Benfika»ning sara futbolchilari uchun eng serqatnov yo'nalish - bu APL, albatta. Eng qimmatbaho 10ta transferidan 6tasi Angliya klublari chekida. 

*** «Benfika» tomonidan sotilgan 10 nafar eng qimmatbaho futbolchi orasida faqat Raul Ximenes va Viktor Lindelyof keyinchalik birorta sovrin yutishmadi.