Manba: "Chelsi" va "PSJ" xo'jayinlari Neymarning transferini muhokama qilishdi

Frantsiyaning "PSJ" klubini braziliyalik hujumchisi Neymar Londonning “Chelsi” klubiga o'tishi mumkin. Bu haqda Le Parisien nashri xabar bermoqda.

Manbaga ko'ra, "Chelsi" xo'jayini Todd Bouli "PSJ" prezidenti Nosir Al-Xelayfi bilan tushlikda uchrashgan. Ular braziliyalik superyulduzning "ko'klar" safiga qo'shilish imkoniyatlarini muhokama qilishdi. "Chelsi" bu transferga qiziqmoqda va Neymar uchun parijliklarga 60 million evro taklif qilishga tayyor.

Avvalroq, "PSJ" yozgi transfer oynasida Neymar bilan xayrlashishga tayyorligi haqida xabar berilgandi. Braziliyalik futbolchining o'zi Parij klubini tark etishni istamaydi va unga kerak emasligi to'g'ridan-to'g'ri aytilsagina transferga rozi bo'ladi.

Joriy mavsumda 31 yoshli Neymar 28 o'yinda 17 ta gol urdi va 16 ta golli uzatmani amalga oshirdi.