Pogba kamroq maosh evaziga «Real»ga o'tishga rozi bo'ldi

«Manchester Yunayted» yarim himoyachisi Pol Pogba «Real» bilan shaxsiy shartnoma borasida kelishuvga erishdi.

The Sun nashri tarqatgan xabarga ko'ra, madridliklar dastlab «Chelsi» yarim himoyachisi Eden Azarning transferini e'lon qilib, so'ngra Pol Pogbani xarid qilishadi.

Shuningdek, ma'lumotlarga qaraganda, frantsiyalik futbolchi "MYu"dagiga nisbatan kamroq maoshga rozi bo'lgan. Pogbaning «Yunayted»dagi yillik maoshi 13 million evroga teng. U «Real»da 10 million evro oladi.

Mazkur transfer 170 million evroga teng bo'lishi kutilmoqda. Pol Pogbaning mankunianliklar bilan shartnomasi 2021 yilning yoziga qadar tuzilgan.