"Chelsi" yozda besh nafar futbolchisi bilan xayrlashmoqchi

"Chelsi" kelasi yozda katta tozalashni rejalashtirmoqda.

Jurnalist Jeyms Ollining xabar berishicha, yarim himoyachi Mateo Kovachich, himoyachi Kalidu Kulibali, vingerlar Kallum Xadson-Odoi va Hakim Ziesh, shuningdek, hozirda Milanning “Inter” klubida ijarada o'ynayotgan hujumchi Romelu Lukaku mavsum yakunida “Stemford Bridj”ni tark etishi mumkin.

Lukaku Entso Fernandes transferidan oldin "Chelsi" tarixidagi eng qimmat futbolchi sanaladi. Uning transferi klubga 113 million evroga tushdi, biroq belgiyalik futbolchi "Chleis"da o'zini ko'rsata olmadi va yakunda ijara asosida “Inter”ga qaytdi. "Neradzurrilar" mavsum oxirida Lukakuni sotib olishni rejalashtirmayapti, ammo "Chelsi" yangi xaridorlar izlamoqda.