Manba: "Liverpul" Gvardiol uchun ustuvor vazifa"

Bild nashri "Leyptsig" himoyachisi Yoshko Gvardiol faoliyatini qaerda davom ettirishi haqidagi taxminlari bilan o'rtoqlashdi.

Eslatib o'tamiz, xorvatiyalik futbolchi avvalroq Angliya Premer-ligasining ba'zi klublari va "Real" klubiga o'tishi mumkinligi haqida xabarlar tarqalgandi.

"O'ylashimcha, Gvardiol uchun asosiy vazifa "Liverpul"dir. U bolaligidan bu klubga muxlislik qilishini va bu klubda o'ynashni orzu qilishini allaqachon aytgan edi. Biz "Real"dan ham qiziqish haqida eshitdik, ammo hozirda Gvardiolning Angliya Premer-ligasiga o'tish imkoniyati ko'proq ekanligiga ishonaman", - deb yozadi jurnalist Falk o'z maqolasida.

20 yoshli Yoshkoning narxi kelasi yozda 100 million evrodan baland bo'lishi mumkin.