"MYu" va "Chelsi" "Bayer" futbolchisiga qiziqish bildirmoqda

Leverkuzenning "Bayer" klubida o'ynayotgan germaniyalik 26 yoshli himoyachi Jonatan Ta Angliya Premer-ligasiga o'tishi mumkin.

Insayder Kristian Falkning yozishicha, futbolchiga “Manchester Yunayted” va Londonning “Chelsi” klublari qiziqish bildirmoqda. Ushbu transfer yozda amalga oshishi mumkin.

Jonatan va “dorishunosalar” o'rtasidagi amaldagi shartnoma muddati 2025 yilgacha mo'ljallangan. Transfermartk portali Taning narxi 20 million evroga baholamoqda.

Himoyachi Bundesliganing joriy mavsumida 19 ta o'yinda maydonga tushib, 1 ta gol urdi.