"Barselona" Tyuramni kuzatishda davom etmoqda

Kataloniyaning "Barselona" klubi Menxengladbaxning “Borussiya” klubi hujumchisi Markus Tyuramni kuzatishda davom etmoqda.

Sport nashri xabariga ko'ra, "ko'k-anorranglilar" hali ham 25 yoshli frantsiyalik futbolchini kelasi yozda tekinga o'z safiga qo'shib olmoqchi.

Tyuramning bu mavsumda Bundesligada 10 ta gol va 3 ta golli uzatmasi bor. U Bundesligada Kristofer Nkunku va Niklas Fyullkrugdan keyin uchinchi to'purar hisoblanadi.

Oldinroq Tyuramga "Bavariya", "Inter" va "Chelsi" klublari qiziqish bildirayotgani haqida xabarlar tarqalgandi. Eslatib o'tamiz, Markusning otasi Lillian avvalroq "Barselona"da markaziy himoyachi sifatida to'p surgan.