"MYu" hali Abraxam borasida yakuniy qarorga kelmadi

"Manchester Yunayted"ning "Roma" hujumchisi Temmi Abraxamga qiziqishi haqidagi mish-mishlarga qaramasdan, "qizil iblislar" yozgi transfer oynasida shartnoma imzolashi kerak bo'lgan hujumchi borasida hali bir qarorga kelmagan. Bu haqda jurnalist Fabritsio Romano xabar bermoqda.

Oldinroq The Telegraph nashri agar "MYu" Osimxen va Keynni qo'lga kirita olmasa, 25 yoshli angliyalik futbolchini o'z safiga qo'shib olishi mumkin ekanligini haqida yozgan edi.

Abraxamning "Roma" bilan amaldagi shartnomasi 2026 yilning yoziga qadar mo'ljallangan.

Hujumchi joriy mavsum rimliklar safida 28 ta o'yinda maydonga tushib, 7 ta gol urdi va 5 ta golli uzatmani amalga oshirdi.