Alves «Selta»ga o'tadi

Noyabr oyida "Flamengo" safini tark etgan darvozabon Diego Alves yaqin orada «Selta» futbolchisiga aylanadi. "Globo" tarqatgan xabarga ko'ra, 37 yoshli posbon vigoliklar bilan mavsum oxirigacha shartnoma imzolaydi.

"Selta"ning asosiy darvozaboni Avgustin Marchesin jiddiy jarohat olib mavsum oxirigacha safdan chiqqani uchun jamoaga transfer oynasidan muddatidan tashqarida ham yangi posbonni ro'yxatdan o'tkazish imkoniyati berildi.

Diego Alves o'z vaqtida 10 il davomida La ligada o'ynagan: "Almeriya" (2007-11) va "Valensiya" (2011-17) klublar safida. U Ispaniya chempionati doirasida 270ta o'yinda ishtirok etib, 60 marta o'z darvozasi daxlsizligini saqlab qolgan. Shuningdek, Alves Braziliya terma jamoasi tarkibida 10ta bahsda maydonga tushgan.