Kolo Muaniga Evropaning top-klublari qiziqish bildirmoqda

«Ayntraxt» hujumchisi Randal Kolo Muani 2023 yilning yozida boshqa jamoaga o'tishi mumkin.

"L’Équipe" tarqatgan xabarga ko'ra, 24 yoshli futbolchiga «Bavariya», «Liverpul» va «Manchester Yunayted» klublari qiziqish bildirmoqda.

«Ayntraxt» frantsiyalik futbolchiga dastlab 80 million evro narx belgilamoqchi edi. Ammo Randal joriy mavsumda muvaffaqiyatli o'ynayotgani uchun jamoa narxni 100 million evroga ko'tarishga qaror qildi.

Agar «Ayntraxt» mavsum yakunida Evropa chempionlar ligasi yo'llanmasini qo'lga kiritmasa, Kolo-Muanining o'zi ham jamoani tark etishni xohlaydi.

Randal o'tgan yilning yozida «Ayntraxt» safiga erkin agent sifatida qo'shilgandi. Uning klub bilan shartnomasi 2027 yilning yoziga qadar tuzilgan.

Hujumchi joriy mavsumda barcha musobaqalar doirasida 27ta o'yinda ishtirok etib, 14 gol va 12 assist muallifiga aylandi.

«Ayntraxt» Bendesliga jadvalida 5-o'rinni egallab turibdi.