Dzanolo "Galatasaroy" bilan qancha muddatga shartnoma imzolashi ma'lum bo'ldi

"Roma" yarim himoyachisi Nikolo Dzanoloning "Galatasaroy"ga o'tishi mumkinligi ma'lum bo'ldi.

Jurnalist Fabritsio Romanoning yozishicha, rimliklar o'z futbolchisi uchun 20-22 million evro olishadi. Turkiyada italiyalik futbolchi yiliga 3,5 million evro maosh oladi, shartnoma 2027 yilgacha amal qiladi. Bundan tashqari, kelishuv 35 million evroni tashkil etadigan kompensatsiya miqdorini o'z ichiga oladi.

Futbolchi seshanba kuni tushdan keyin Istanbulga uchib ketadi, shundan so'ng shartnoma imzolanadi.

Eslatib o'tamiz, Dzanolo qishki transfer oynasiga "Bornmut", "Milan", "Lids" va "Tottenxem"ga o'tishi mumkin edi, ammo turli sabablarga ko'ra muzokaralar amalga oshmay qoldi. Futbolchi "bo'rilar" rahbariyati bilan mojaro tufayli jamoadan chetlashtirildi, hatto rimliklar muxlislari tomonidan ham tahdidlar bo'ldi. Turkiyada transfer oynasi 8 fevralgacha ochiq.