«Barselona» «Yuventus»ning biryo'la uch nafar futbolchisiga qiziqish bildirmoqda

“Yuventus” a'zolari Dushan Vlahovich, Federiko Keza va Manuel Lokatelli faoliyatini Ispaniyada davom ettirishi mumkin. “Barselona” turinliklarning uch nafar futbolchisiga qiziqish bildirmoqda.

Eslatib o'tamiz, Turinning “Yuventus” jamoasidan 15 ochko olib tashlandi va hozirda jamoa musobaqa jadvalida 13-pog'onani egallab turibdi. Keyinchalik esa Italiya futbol federatsiyasi o'yinchilarning maoshlari borasidagi qoidabuzarlik tufayli yana 20 ochko olib tashlanishini ma'lum qilgan.

Vlahovich joriy mavsum A Seriyada 11 ta o'yinda qatnashib, 6 ta golga mualliflik qilgan. Keza 6 ta o'yinda, Lokatelli esa 17 ta o'yinda maydonga tushgan.