Foyt hamon "Barselona"ning nishonida qolmoqda

"Vilyarreal" himoyachisi Xuan Foyt "Barselona"ning qiziqishlari doirasida qolmoqda. Bu haqda Ispaniyaning Sport nashri xabar bermoqda.

Yozgi transfer oynasida "Barselona" himoyasining o'ng qanotini kuchaytirishni kutmoqda. Kataloniya klubi bu pozitsiyaga Xuan Foytni ideal nomzod sifatida ko'rmoqda.

Xuan Foyt "Tottenxem"dan ko'chib o'tgandan so'ng 2020 yilning oktyabr oyidan beri "Vilyarreal"da o'ynamoqda. O'shandan beri himoyachi "suv osti kemalari" safida 82 ta rasmiy o'yin o'tkazgan. Ularda argentinalik futbolchi uchta gol urdi va ikkita golli uzatmani amalga oshirdi.