"PSJ" futbolchisi "Atletik"ning to'laqonli a'zosiga aylandi
/ Kiritdi: BestMaster Ko'rilgan: 136
"Atletik" prezidenti Yon Uriarte klub "PSJ" yarim himoyachisi Ander Errera bilan tekinga shartnoma imzolaganini tasdiqladi.
Evropadagi qishki transfer oynasining so'nggi kuni – 31 yanvar kuni ispan klubi dastlab 33 yoshli futbolchining ijara muddatini uzaytirgan, keyin esa futbolchi to'liq jamoaga o'tgani ma'lum qilingandi.
"Ijara transferga aylandi. Bitim bizga nol evroga tushdi. Biz ijara yoki transfer uchun mablag' to'lamadik. Nihoyat, shu haftada biz butun byurokratik jarayonni yakunladik”, - dedi Uriarte Deia bilan suhbatda.
2022/23 yilgi mavsumning birinchi yarmida Errera "Atletik" safida 11 o'yinda 1 golli uzatmani amalga oshirdi. 31 yanvar kuni ispaniyalik futbolchi Bilbao klubi bilan 2024 yilning iyun oyi oxirigacha shartnoma imzoladi.
Bosh sahifaga
215