«Atletiko» «Barselona» himoyachisiga qiziqib qoldi

“Atletiko” “Barselona” himoyachisi Nelson Semeduga qiziqib qoldi. Bu haqida Marca nashri xabar tarqatdi.

Manbaning xabariga ko'ra, Madrid klubi futbolchini yozgi transfer oynasida olib kelmoqchi. “Matraschilar” portugaliyalik futbolchini jamoani tark etishi kutilayotgan Xuanfran o'rniga olib kelmoqchi.

Eslatib o'tamiz, joriy mavsum 24 yoshli Semedu “Barselona” safida  46ta o'yinda maydonga tushib, 1ta gol urgan va 3ta golga assistentlik qilgan.