"Bavariya" "PSJ"ning tarkibi kuchaymasligi uchun Pavarni "Inter"ga qo'yib yubormagani ma'lum bo'ldi

Myunxenning "Bavariya" klubi Chempionlar ligasi 1/8 finalidagi raqibi - "PSJ"ning tarkibini kuchaytirmaslik uchun qishki transfer oynasining so'nggi kunida himoyachi Benjamin Pavarni "Inter"ga qo'yib yubormadi. Bu haqda Relevo nashri xabar bermoqda.

Manbaga ko'ra, "Inter" qishki transfer oynasining so'nggi soatlarida Pavarning transferi bo'yicha "Bavariya"ga rasmiy taklif bilan chiqqan. Frantsiyalik himoyachini milanliklar rahbariyati qishda "PSJ"ga o'tishi mumkin bo'lgan himoyachi Milan Shkrinyarning o'rnini bosuvchi futbolchi sifatida ko'rib chiqdi. "Bavariya" Chempionlar ligasi 1/8 finalidagi raqibi o'z tarkibini kuchaytirmaslik uchun o'z futbolchisini "Inter"ga qo'yib yuborishdan bosh tortdi. Shu tariqa, Shkrinyarga o'rinbosar topmagan "Inter" slovakiyalik futbolchini "PSJ"ga qo'yib yubormadi.

"PSJ" va "Bavariya" o'rtasidagi ilk o'yin 14 fevral kuni Parijda bo'lib o'tadi.