"PSJ" Salohni sotib olishni maqsad qildi

"PSJ" klubi "Liverpul" klubi hujumchisi Muhammad Salohni sotib olmoqchi. Calciomercato nashri xabariga ko'ra, "Qizillar" 30 yoshli misrlik futbolchini kelasi yozda 80 million evro evaziga qo'yib yuborishi mumkin.

Eslatib o'tamiz, joriy mavsum boshlanishidan oldin Saloh "Liverpul" bilan shartnomasini 2025 yilgacha uzaytirdi. Hujumchi 2017 yildan buyon jamoada to'p suradi va shundan so'ng "mersisaydliklar" tarixidagi eng yaxshi to'purarlar ro'yxatida beshinchi o'ringa ko'tarilib oldi.

Saloh joriy mavsum APLda 7 ta gol urdi va 4 ta golli uzatmani amalga oshirdi. Yurgen Klopp shogirdlari chempionatda 9-o'rinda bormoqda.