Malkom «Barselona»ni tark etadi

«Barselona» hujumchisi Malkom yozgi transfer paytida jamoani tark etadi. Bu haqda Sport.es xabar tarqatdi.

Manbaga ko'ra, ikki tomonning o'zaro kelishuvi asosida hamkorlikni to'xtatish haqida qaror qabul qilingan. Kataloniyaliklar yangi futbolchilarni xarid qilish uchun Malkomni sotadigan bo'lishdi. Futbolchining o'zi ham ushbu mavsumda kam o'yin amaliyotiga ega bo'lganidan qoniqish hosil qilmadi.

«Barselona» o'tgan yilning yozida 22 yoshli futbolchini «Bordo»dan 41 million evro evaziga sotib olgan edi. Yakunlangan mavsumda u 24ta o'yinda maydonga tushib, 4ta gol urdi va ikkita golga assistentlik qildi. Unga Dortmudning «Borussiya» klubi qiziqish bildirmoqda.