Rasman! "Lester" Chempionshipdan 17 million evro evaziga himoyachi sotib oldi

"Stok Siti"da to'p surgan avstraliyalik himoyachi Garri Suttar faoliyatini Angliyaning boshqa jamoasida davom ettiradi.

24 yoshli futbolchining transferini "Lester" rasmiylashtirdi, deya xabar beradi klub rasmiy sayti.

Markaziy himoyachining transferi uchun "tulkilar" "Stok Siti"ga 17 million evro to'lagan. Futbolchining o'zi bilan 2028 yilning o'rtalarigacha hisoblangan uzoq muddatli shartnoma imzolangan.

Suttor joriy mavsum chempionshipda 7 ta o'yinda maydonga tushdi. Himoyachi Avstraliya terma jamoasi safida 14 ta o'yinda maydonga tushdi, shundan 4 tasi JCh-2022 da.