"PSJ" transfer oynasi yopilgan bo'lishiga qaramay, Zieshni o'z safiga qo'shib olmoqchi

"PSJ" klubi "Chelsi" va Marokash terma jamoasining hujumkor yarim himoyachisi Xakim Zieshning transferi ustidan shikoyat qilishga qaror qildi. Bu haqda jurnalist Fabritsio Romano xabar berdi.

Insayderning xabariga ko'ra, Parij top-klubi transfer oynasi yopilgunga qadar shartnomani ro'yxatdan o'tkazishga ulgurmagani sababli, sud jarayonini tashkil qilmoqchi. Shu tariqa, "PSJ" transfer oynasi yopilganidan keyin Zieshni o'z safiga qo'shib olish borasida qaror chiqishini kutmoqda. Shu bilan birga, tomonlar o'rtasidagi barcha hujjatlar imzolandi. Zieshning transferi muzlatib qo'yilgan.

Avvalroq Hakim Parijda tibbiy ko'rikdan o'tgandi. Klub afrikalik futbolchini joriy mavsum yakuniga qadar ijaraga olishni kutgandi.