"Bornmut" Dzanioloning o'rniga A Seriyadan boshqa futbolchini o'z safiga qo'shib oldi

Ivuarlik vinger Xamid Traore "Sassuolo"dan "Bornmut"ga ko'chib o'tdi.

Klublar joriy mavsum oxirigacha hisoblangan ijara shartnomasini tuzdilar. Fabritsio Romanoning xabari ko'ra, "Bornmut" 30 million evro + bonuslar evaziga sotib olish imkoniyatiga ega bo'ladi.

Joriy mavsumda Traore A Seriyada 11ta o'yinda maydonga tushib, birorta ham gol ura olmadi, ammo 3ta golli uzatmani amalga oshirdi.

Avvalroq, "Bornmut" "Roma" futbolchisi Nikolo Dzanioloni o'z safiga qo'shib olishga yaqin kelgandi, lekin so'nggi daqiqalarda ushbu transfer barbod bo'lgandi.