Rasman! "Atletiko" futbolchisi APLga ko'chib o'tdi

Angliyaning “Nottingem Forest” klubi Madridning “Atletiko” klubi markaziy himoyachisi Felipe Augustoni o'z safiga qo'shib oldi.

Kelishuvni “O'rmonchilar” matbuot xizmati rasman tasdiqladi. 33 yoshli braziliyalik futbolchining Angliya Premer-ligasi vakillari bilan shartnomasi 2024 yilning yoziga qadar tuzilgan, transfer narxi oshkor etilmagan.

Felipe Augusto 2019 yildan buyon “Atletiko”da o'ynab kelmoqda, o'shanda “matraschilar” uni “Portu”dan 20 million evroga sotib olgandi. Tajribali markaziy himoyachi madridliklar safida jami 113 ta o'yin o'tkazib, 4 ta gol urishga muvaffaq bo'lgan.

"Nottingem Forest" Premer-ligada 20-turdan keyin 13-o'rinda bormoqda.