Jorjino "Arsenal" uchun tibbiy ko'rikdan o'tdi

Tez orada "Arsenal" bilan shartnoma imzolaydigan "Chelsi" yarim himoyachisi Jorjino "kanonirlar" safiga o'tish oldidan tibbiy ko'rikdan muvaffaqiyatli o'tdi. Bu haqda jurnalist Fabritsio Romano xabar bermoqda.

Manbaga ko'ra, "Arsenal" 31 yoshli italiyalik futbolchi uchun 10 million funt (taxminan 11,4 million evro) to'laydi, yana 2 million funt (taxminan 2,3 million evro) bonuslar ko'rinishida to'lanishi mumkin. Jorjinoning "kanonirlar" bilan shartnomasi 2024 yilning yoziga qadar mo'ljallangan bo'lib, u yana bir mavsumga uzaytirilishi mumkin.

Jorjino joriy mavsum “Chelsi” safida 25 ta o'yinda maydonga tushib, 3 ta gol urdi. Transfermarkt portali Italiya terma jamoasi futbolchisini 35 million evroga baholamoqda.