Iskoning «Union»ga o'tishi barbod bo'ldi

Hozirda erkin agent maqomiga ega bo'lgan yarim himoyachi Iskoning «Union Berlin» klubiga o'tishi barbod bo'ldi. Ma'lumotlarga qaraganda, bunga 2 ta sabab bor.

Birinchidan, "Real" klubining sobiq futbolchisi bugun ertalab tibbiy ko'rikdan muvaffaqiyatli o'ta olmagan.

Ikkinchidan, 30 yoshli futbolchi avvaldan kelishilgan shartlarini o'zi uchun manfaatliroq tomonga o'zgarishini istagan. Natijada «Union Berlin» Isko bilan shartnoma imzolamaslikka qaror qilgan.

Eslatib o'tamiz, Isko "Real"ni tark etgach, «Sevilya» bilan shartnoma imzolagandi. Ammo dekabr oyida tomonlar shartnomani bekor qilishgandi.