"Manchester Siti" "Chelsi" himoyachisini o'z safiga qo'shib olmoqchi

Himoyachi Joau Kanselu "Manchester Siti"ni tark etdi. Portugaliyalik futbolchining Xosep Gvardiola bilan munosabatlarida muammolar borligi, shu bois u "Bavariya"ga o'tgani haqida xabar berilgandi.

Ayni vaqtda Daily Mail nashrining xabar berishicha, "Manchester Siti" "Chelsi" futbolchisi Ben Chiluellga ko'z tikkan. "Shaharliklar" 26 yoshli futbolchini ko'pincha himoyaning chap qanotida to'p suradigan Kanseluga o'rinbosar sifatida ko'rmoqda.

Transfermarkt portali Ben Chiluellni 38 million evroga baholamoqda. Himoyachi "Lester"dan ko'chib o'tgandan so'ng, 2020 yilning yozidan beri "Chelsi"da o'ynamoqda.