Entso Fernandes "Chelsi"ga o'tmaydiganga o'xshaydi

"Chelsi" va "Benfika" Entso Fernandesning transferi borasida haligacha kelisha olishmayapti.

Record nashri xabariga ko'ra, 22 yoshli yarim himoyachi endi Lissabon klubida qolishga yaqinroq. "Chelsi" haligacha "Benfika" bilan transfer shartlari bo'yicha kelishib olgani yo'q.

Portugaliyaliklar Entsoni mavsum oxirigacha saqlab qolish uchun hamma narsani qilishga harakat qilmoqda.

Qayd etilishicha, “Benfika” va “Chelsi” o'rtasidagi muzokaralar davom etayotgani sababli yarim himoyachi bugungi Portugaliya chempionatining “Aruka”ga qarshi o'yinini o'tkazib yuboradi.

Oldinroq Entsoning "Chelsi"ga transferi 130 million evroni tashkil qilishi mumkinligi xabar qilingandi.