"Sautgempton" portugaliyalik hujumchining tovon pulini to'lab beradi

"Sautgempton" klubi Portugaliyadan futbolchi sotib oladi. Manbalarning xabar berishicha, "Braga"ning 22 yoshli hujumchisi Vitinya APL klubiga yo'l oladi.

Ikki tomon futbolchi borasida 26,2 million funtlik kelishuvga erishgan. Portugaliyalik futbolchining tovon puli ham aynan shunchani tashkil etadi.

Vitinya 2017 yildan beri "Braga" safida harakat qiladi. U Portugaliya yoshlar terma jamoasida to'purar sanaladi. Yosh hujumchi hozirga qadar jami 42 ta liga bahsida 14 ta golga mualliflik qilgan.