"Roma" tez orada o'z safiga APL klubi himoyachisini qo'shib oladi

Italiyaning "Roma" klubi tez orada o'z safiga Angliya Premer-ligasidan markaziy himoyachi qo'shib olishi mumkin.

Jurnalist Fabritsio Romanoning so'zlariga ko'ra, "Bo'rilar" "Lids" futbolchisi Diego Lorenteni ijaraga olishga yaqin turibdi.

Ayni paytda klublar yaqin soatlarda shartnoma tuzish ustida faol ishlamoqda. Lorente sotib olish huquqi bilan "Roma"ga ijaraga o'tishi kerak.

Eslatib o'tamiz, dekabr oyi oxirida Lorente "Lids" bilan shartnomasini uzaytirgan edi, ammo shunga qaramay, "tovuslar" rahbariyati tajribali ispaniyalik futbolchini Joze Mourino jamoasiga qo'yib yuborishga tayyor.

Joriy mavsumda Lorente Angliya Premer-ligasida 8 ta o'yinda maydonga tushib, samarali harakatlari bilan ajralib turmadi.