"Manchester Siti" himoyachisi "Bavariya"ga o'tishi mumkin

"Bavariya" qishda o'z tarkibini kuchaytirish imkoniyatlarini o'rganmoqda.

Jurnalist David Ornshteynning xabar berishicha, Myunxen klubi "Manchester Siti" himoyachisi Joau Kanseluni o'z safiga qo'shib olmoqchi.

Qayd etilishicha, "Bavariya" Kanseluni ijaraga olishni rejalashtirmoqda. Ehtimol, bu kelishuv portugaliyalik futbolchini sotib olish variantini o'z ichiga oladi.

Joau Kanselu so'nggi paytlarda "Manchester Siti"da o'zi xohlaganchalik ko'p o'ynamayapti. Qolaversa, portugaliyalik futbolchi "Bavariya"ning azaliy muxlisi.

Aytish joizki, Transfermarkt portali Joau Kanseluni 70 million evroga baholamoqda.