"Zenit" va "PSJ" Malkom borasida kelisha olmayapti

"Zenit" va "PSJ" Malkom transferi shartlari bo'yicha kelisha olmayapti.

Avvalroq, Sankt-Peterburg klubi faqat futbolchini sotishga yoki uni majburiy sotib olish sharti bilan ijaraga berishga roziligi xabar qilingandi. Parijliklar moliyaviy feyr-pley cheklovlari tufayli kelishuvni bu tarzda ko'rib chiqa olmaydi.

Parijliklar yarim himoyachini ixtiyoriy sotib olish optsiyasi bilan ijaraga olishni afzal ko'rmoqda. Tomonlar barchaga mos keladigan variantni qidirmoqda.

Futbolchining o'zi Parij jamoasiga o'tishni istamoqda.

Joriy mavsumda Malkom RPLda 17 ta o'yinda maydonga tushib, 12 ta gol va 5 ta golli uzatmani amalga oshirdi.