"Nyukasl" futbolchisi "Nottingem Forest"ga o'tmoqda

"Nottingem Forest" "Nyukasl" yarim himoyachisi Jonjo Shelvi bo'yicha kelishuvga erishdi. Bu haqda jurnalist Fabritsio Romano xabar berdi.

Manbaga ko'ra, 30 yoshli futbolchi shartnoma imzolashdan oldin tibbiy ko'rikdan o'tish uchun "Nottingem" ixtiyoriga etib keldi.

Shelvi "Nyukasl"ga 2016 yilning yanvarida "Suonsi" klubidan kelib qo'shilgandi. Joriy mavsumda yarim himoyachi beshta uchrashuvda 122 daqiqa o'ynadi. Tomonlar o'rtasidagi kelishuv 2023 yilning yozida yakuniga etadi. Shelvi 2010 yildan 2013 yilgacha "Liverpul" futbolchisi bo'lgan. Shelvi Angliya terma jamoasi safida ham oltita o'yin o'tkazgan.