"Roma" o'z futbolchisini sotmoqchi, lekin hozir faqat ijara yuzasidan takliflar kelmoqda

"Roma" o'zining niderlandiyalik himoyachisi Rik Karsdorpni sotmoqchi. Bu haqda jurnalist Nikola Skira ma'lum qildi.

Manbaga ko'ra, "Roma" Karsdorpni doimiy ravishda boshqa klubga o'tkazish variantlarini qidirmoqda, biroq faqat Italiya A Seriyasi, Frantsiya 1 va Angliya Premer-ligasi jamoalaridan ijara takliflari olgan.

Niderlandiyalik futbolchi Rim jamoasida qolishi mumkin. Avvalroq Karsdorpning o'yinini tanqid qilgan "bo'rilar" bosh murabbiyi Joze Mourino, agar futbolchi klubda qolsa, uni kechirishi mumkin.

27 yoshli Karsdorp "Roma"ga 2017 yilda kelib qo'shilgandi. Niderlandiyalik himoyachi Rim klubi safida 122 ta o'yin o'tkazib, 1 ta gol va 13 ta golli uzatmaga mualliflik qilgan.