"Tottenxem" 45 million evroli transferni amalga oshirishga yaqin turibdi

Portugaliyaning "Sporting" safida o'ynayotgan qanot himoyachisi Pedro Porro APLga o'tishga yaqin turibdi. "Tottenxem" 23 yoshli ispaniyalik futbolchini o'z safiga qo'shib olmoqchi.

Insayder Fabritsio Romanoning so'zlariga ko'ra, “shporlar” kelishuv tafsilotlari bo'yicha kelishib olgan. Himoyachining transferi ingliz klubiga 45 million evroga tushadi. Porroning londonliklar bilan tuzadigan shartnomasi 2028 yilning o'rtalariga qadar amal qiladi.

Portugaliya chempionatining joriy mavsumida Pedro 14 ta uchrashuvda qatnashib, ikkita gol va oltita golli uzatmani amalga oshirdi.