Anchelotti "Real"ga Lokatellini olib kelmoqchi

"Yuventus" yarim himoyachisi Manuel Lokatelli "Real"ning qiziqishlari doirasiga tushib qoldi. Uning hamyurti, “qaymoqranglilar” bosh murabbiyi Karlo Anchelotti italiyalik futbolchi bilan shartnoma imzolamoqchi.

Bu haqda Calciomercatoweb xabar bermoqda. Manbaga ko'ra, Lokatelli uchun Dani Sebalos va pul taklif qilishga tayyor.

Lokatelli "Yuventus"da ijara asosida o'ynamoqda. U huquqiy jihatdan "Sassuolo"ga tegishli. Ijara muddati mavsum oxirida tugaydi, biroq turinliklar ma'lum shartlar bajarilganda futbolchi sotib olish imkoniyatiga ega. Lokatelli joriy mavsumda barcha musobaqalarda 22 o'yinda maydonga tushdi.