«Manchester Siti» etakchisi Qatar chempionatiga yo'l olishi mumkin

«Manchester Siti»ning ispaniyalik yarimhimoyachisi David Silva Angliya chempionatini Qatar chempionatiga almashtirishi mumkin. Bu haqida The Sun nashri xabar berdi.

Manbaning xabariga ko'ra, Qatar futbol klublaridan biri 33 yoshli ispan futbolchisiga 14 mln. evro qiymatidagi ikki yillik shartnoma taklif etmoqda.

Ma'lumot uchun, Silvaning ketishi "Manchester Siti" uchun katta yo'qotish bo'ladi, biroq futbolchining o'zida bu erda qolishdan ko'ra ketishga moyillik kuchliroq. 

Eslatib o'tamiz, David Silva "Manchester Siti"da 2010 yildan buyon to'p surib kelmoqda. Joriy mavsum futbolchi 50ta o'yinda  maydonga tushib, 10 ta gol va 11 ta golli uzatmaga mualliflik qildi.