"MYu" Roys bilan muzokaralarni boshladi

"Manchester Yunayted" Dortmundning "Borussiya" klubi sardori Marko Roysni yozda o'z safiga qo'shib olib borasida muzokaralarni boshladi, deb xabar bermoqda Daily Mirror.

33 yoshli germaniyalik futbolchining "arilar" bilan amaldagi shartnomasi 2023 yilning yoziga qadar mo'ljallangan. Roys "Borussiya" bilan yangi shartnoma bo'yicha muzokaralarni davom ettirmoqda, ammo faoliyatini davom ettirishning boshqa variantlarini rad etmaydi.

Avvalroq, "Manchester Yunayted" bosh murabbiyi Erik ten Xag hujumchi vakili bilan uchrashgani haqida xabar berilgandi.

Futbolchi 2022/23-yilgi mavsumda “Borussiya” safida barcha turnirlarda 12 ta o'yin o'tkazib, 3 ta gol urdi va 4 ta golli uzatmani amalga oshirdi.