"Lion" o'z futbolchisini "PSJ"ga sotmaslikka qaror qildi

Frantsiyaning “Lion” klubi qishki transfer oynasida etakchisi Rayan Sherkini sotmaslikka qaror qildi. Bu haqda L'Equipe nashri xabar bermoqda.

Manbaga ko'ra, "Lion" "PSJ"dan qiziqish va taklif bo'lishiga qaramay, hujumchini qo'yib yubormaslikka qaror qildi. Sherki parijliklar “Vulverxempton”ga o'tib ketgan Pablo Sarabia o'rniga o'rinbosar sifatida ko'rilayotgandi.

Sherki 19 yoshda. U "Lion" bitiruvchisi va nafaqat Frantsiya, balki Jazoir fuqaroligiga ham ega. Rayan 2020 yildan buyon "Lion"ning asosiy jamoasida o'ynab kelmoqda. Joriy mavsumda Sherki Liga 1 va Frantsiya kubogida 18 ta o'yin o'tkazib, bitta gol urdi va 3 ta golli uzatmani amalga oshirdi.