"Arsenal" futbolchisi Londonning boshqa klubiga ko'chib o'tmoqda

Jurnalist Fabritsio Romanoning xabar berishicha, Londonning "Fulxem" klubi "Arsenal" himoyachisi Sedrik Soareshni ijaraga olish borasida kelishuvga erishishga yaqin turibdi.

Manbaga ko'ra, ijara shartnomasi muddati joriy mavsum oxirigacha mo'ljallanadi, sotib olish varianti taqdim etilmagan. Qayd etilishicha, ijara muddati davomida "Fulxem" 31 yoshli portugaliyalik futbolchiga maosh to'laydi.

Soaresh joriy mavsumda “kanonirlar” safida to'rtta o'yinda maydonga tushdi. Transfermarkt portali Portugaliya terma jamoasi futbolchisini 4 million evroga baholamoqda.

"Fulxem" hozirda Premer-ligada 21 o'yindan keyin 31 ochko bilan 7-o'rinda bormoqda.